Mga Salitang Batangueño at Halimbawa sa Pangungusap A-B

MGA SALITANG BATANGUEÑO AT HALIMBAWA SA PANGUNGUSAP

Batangueño ang tawag sa mga taong naninirahan sa Batangas, isang probinsya sa Calabarzon. Tagalog ang pinakapangunahing gamit sa pananalita rito ngunit tulad ng ibang probinsya meron ding isang diyalekto na sa lugar na ito mo lamang maririnig. Tila kakaiba ito at ang punto nito ay iba rin sa ating nakasanayan. Kung di ka Batangueno, ay halina at basahin ang mga ito upang maging pamilyar sa salitang ito at kung ikaw naman ay Batangueno ay wag na magpatumpik tumpik pa at ituloy na ang pagbabasa dahil magiging masaya ito. Ala eh! Parine na! 

1. aguha- malaking karayom

Ginamit ni inay ang aguha sa pagtatahi ng payong.

2.alapaap- ulap

Tila ako ay nasa alapaap pag kasama ko sya.

3.albor/arbor

Arburin ko na yang bag ang ganda kasi eh

4. alboroto-magtampo/maglupasay/umiyak

Nag-alboroto ang bata nung hindi nabilhan ng kendi.

5. alibadbad/alibarbar- asiwa

Lumayo ka nga naaalibadbadan ako sa iyo.

6. alpas- nakawala

Mag-ingat ka alpas ang mga aso sa kabilang kanto.

7. amos- dumi sa mukha

Bago ka umalis tanggalin mo muna yang amos mo sa mukha.

8.ampiyas- bahagyang nababasa ng tubig ulan

Saraduhan mo ang bintana at naampiyas na.

9. anlaw- banlaw

Anlawan mo na yung mga nilabhan ko dun sa likod.

10. are- ito

Are ga yung tinutukoy mo? Ang ganda.

11. arilyos- hikaw

Ang ganda ng kulay ng arilyos ko.

12. aserol- piko 

Kunin mo nga yung aserol at may bubungkalin ako sa likod bahay.

13. abuhan/tungko- lutuan

Linisan mo nga yung abuhan at magluluto ako.

14. awas- apaw

Bawasan mo yung tubig at awas na.

15. babag -away

Palaging babag ang magkapatid kapag tungkol sa pagkain.

16. babarik- iinom ng alak

-Maagang umalis si tatay ng bahay tiyak babarik na naman iyon sa kahanggan.

17.babaysot- babae

-Ang ganda talaga ng babaysot na yan.

18.bahaw- malamig na kanin

Pagkakauwi ng bahay, kinakain agad ni Ben ang tirang bahaw.

19.bahite- walang pera

Bahite ngayon ang inay kaya mainit ang kanyang ulo.

20.bala-bala- kunwari

Bala-bala lang pala yung relasyon namin.

21. balakatak- taong salita ng salita, taong maingay

Kilala si Aling Auring bilang balakatak sa kanilang lugar.

22.balatong- munggo

Ang paborito kong luto ng balatong ay ginataan

23. banas- maalinsangan/mainit

Grabe ang banas lalo na sa panahon ngayon.

24 bang-aw- ulol 

Wala na yata sa tamang katinuan si Fred. Bang-aw na ata siya.

25. banggerahan-lababo

Ang dami na namang gamit na plato sa banggerahan.

26. bangi- ihaw

Mahilig ang pamilya namin sa pagkain na bangi.

27. bangkito- maliit na upuan

Pakikuha ng bangkito, utoy maglalaba lang ako. 

28. bargas- masama ang ugali

May pagkabargas si Anne kaya walang gustong makipagkaibigan sa kanya.

29 barik-inom

Mahilig magbarik ang tatay ni Gina.

30. basin-arinola

Dun ka muna umihi sa basin.

31. basaysay-bahay

Medyo luma na ang basaysay namin.

32. batalan-kusina/working area in the kitchen

Napapanatili ni Aling Norma na malinis ang batalan.

33. batingaw- kampana

Tumutunog na ang batingaw ng simbahan. Hudyat na ng misa.

34. baysanan- kasalan 

Naging magarbo ang baysanan nina Ellen at Ben.

35.bigtal-pilas/putol

Nabigtal yung tali ng duyan kaya ito nasira.

36. bilot- tuta

Nakakatuwa tingnan ang mga bilot.

37. bislad- inihaw na isda o tinuyo

Masarap kainin ang bislad na isda. 

38. Bitiwi- bitawan

Bitiwi mo nga muna yung dala mo. Ngalay ka na.

39. biyuot- nalukot

Biniyuot niya ang mga mali niyang drawing.

40. botogs- gagamba

Wiling-wili ang mga bata na manghuli ng botogs.

41. bualaw- binatog

Bualaw ang pinakapaborito kong meryenda.

42. Bugnot- asar

Bugnot na naman sya sa akin.

 

43. bukayo- minatamis at pinatigas na laman ng niyog.

Masarap talaga na panghimagas ang bukayo. 

44. buksi- buksan mo

Buksi na yan ng makita ang nilalaman ng kahon.

45. bunite - tinapay na bilog parang monay

Ang sarap kumain ng bunite at isasawsaw sa kape.

46. burabo-makapal na pulbo sa mukha

Lumabas na siya ng bahay kahit burabo pa.

47.buraot- madamot

Talagang buraot yang si Elise. Di yan namimigay ng pagkain.

48. burat- bukas/sira

Burat na naman yung paborito kong short.

49. butangera- nagger

Kilala si Lea bilang butangera at palaaway sa kanyang kasintahan.

50. buyon- malaking tiyan

Dahil sa kanyang  buyon naisipin ni Diday mag-ehersisyo.

May kasundo pa are! Intay ka lang. Hehe